عيييييييييييييييب يااااا بنننننننننننننننتلما تتزوقي وتتأنتكي في البيت
عيييييييييب
اخواتك الصبيان يقولوا ايه
باباكي يشوفك كدا ازاي
مايصحححححححححش
خليكي بالبيجامة ليل ونهار
واوعي تفكي شعرك
اووووعي
يا ضفيرة يا ديل حصان
قطتين لا
بلاش دلع وكلام فاضي
*****
ايه يابت اللي انت عاملاه في نفسك دا!!
هتخرجي كدا!!
يادي القرف
عييييب عليكي والله
يابت حطي احمر ولا اخضر
ولا اعملي اي منظر
وايه البهوقة دي
هدوم تيتة دي ولا هدوم مين
عيييييييب هتكسفينا
البسي واتزوقي خليكي تتجوزي
*****
عيييييييييييييييب يابنننننننت
تدعي ربنا يرزقك بعريس كويس ويراعي ربنا فيكي
في واحدة في الدنيا
تدعي وتقول
يارب اتجوز!!!!!!
لالالالا
ميصحش
انتي متسربعة على ايه يعني
بلاش قلة حيا وقباحة
دا نصيب
ولما نصيبك يجيلك هتتجوزيه
انما بلاش السربعة اللي انتي فيها دي
بلاش دلع بنات
*****
- ماما
حمادة ابن طنط سوسو زعل مني
- ليه يا توتي
- عشان امبارح روحت من غير ما اقوله اني ماشية وهو قلق
وقالي ان حضرتك وطنط موصينه عليا
- ماهو مايصحش بردو يا توتي
حمادة في مقام اخوكي وبيخاف عليكي بردو
عييييييب اوي لما ما تعمليش لكلامه حساب
بعد كدا ما تروحيش الا معاه
وقومي اتصلي عليه صالحيه
ربنا ما يجيب بينكم زعل يابنتي
*****
عيييييييييييييييب يا بنننننننننت
بقى استاذ محمد يمد ايده يسلم عليكي تقوليله مبسلمش على رجالة!!!
اخصصصصص عليكي
انا ربيتك على كدا
وبعدين فيها ايه
دا زي باباكي
لازم تحرجي الراجل
دلع بنات
*****
- شيلي الشنطة يا انسة
- هه؟؟
- شيييييلي الشنننننطة
- ليه يعني
انا حاطاها هنا جنبي عشان ميصحش يعني حضرتك راجل و...
- ميصحش؟؟
وانا هاكلك يعني
ايه ياخويا التلاقيح دي
عيييييب تفكري كدا
شيلي الشنطة خلينا نعرف نقعد انتي حاجزة الكنبة لحسابك
**************
يا ترى
الميزان ايه؟!!
وايه اللي يقول
دا عيب ودا مش عيب
ودلوقتي
بنحكم على اساس ايه!!
محتاجين نراجع نفسنا في حاجات كتير
دي امثلة بسيطة
بس في في حياتنا زيها كتييييييييييير
ياريت
ياريت
ياااااااريت
نرجع لشرع ربنا
ونعرف ايه هو العيب
:)
أحبكم في الله
